In dän ersten Johrn non Kriege ching et den meisten Luien nich sau chaut. Et was alles verbruket dor den langen Krieg, un de köpen chaf et ok nich veele, denn dat Cheld was knapp.

Sau we hüte, alle Schränke full Wäsche un Klamotten, harre ok keiner. Twintich Poor Scheuhe, wusste me chornich dat et sau wat chaf. Mann konne froh sein, wenn me twa Poor harre, ein Poor Sunndags, dä andern Alldags. We Mäkens wollen oeseg ok wat schönes koepen, harren over kein Cheld, we dä meistens domols.

Jetzt fälle oeseg dat Dogeblatt in. Anzeigen forn Hushalt stunn jo öfter mol inne Zeitung. Ower for vierzig Mark im Monot, un Sundags ok noch dat wolln we nich.

Korte Tiete donoh vertälln dä Luie: dä Schaufabrik stellt Froens in. Jetzt foehrn we metn Fohroh no Suten, chanz bescheiden un schüchtern hoot we use Vers herleiert. Wir suchen Arbeit und möchten uns bewerben. Leider nein.

Wo nömet blot Flüchtlinge met Ausweis A, wer affeschmettert. We harren ümmer noch Hoffnung dat we wat find.

Domols was ub –Chöttingen all dä Bavaria-Filmaufbau upen Flughofen, do wo hüte dat Industriegelände is.

Et was noch alles free, kenne Hüsere, blot chrote Hallen wo dä Filmluie arbein. Denn in Chöttingen sind doch berühmte Filme moket, zum Beispiel: Immer diese Autofahrer mit Heinz Ehrhardt. Die Hochzeit der Buddenbrocks, in der Jakobikirche und noch mehr. Dat wettet dä meisten nich mehr, un dä Jungen all chornich. Dat sau neben här.

Jetzt harren we Mäkens wer inne Zeitung läsen: Komparsen gesucht. Dat was wat vor Landpomeranzen. We dachten, dä loert all up oeseg. Jetzt word seck feine moket, schöne Kläre harrn we ok.

Domols harren dä Kläre wiete Klockenröcke, sach jo schön ut. Jetzt met usen fein Tüche upet Fohrad no Chöttingen.

Up dä Weender Stroten kamm dä Rock von en Mäken int Rad.

Striptie up dä Weender, dorover lachet hüte noch enne Froe von oeseg. Non ching et dor dä stadt non Flughofen. Als we up dat Chelände keim, stunt do saune kleine Pförtner-Bude met Schlagbaum. Jetzt wörn we over baff. Eck weit nich wat in usen Koppe rümme lopen was, Illusionen pur. Un düsse Pförtner hät oeseg ok no Huse schicket. Wir brauchen keine Komparsen mehr, aus und vorbei. Jetzt wörn wo over bedeint, wer kein Verdeinst in Sicht. Doch alle harren wat tau aeten un Arbeit chaf et ok chenauch, wen me wolle.

No düsse Pleite wolln we noch wat schönes erleben, Ideen wörn chenauch do.

Wo nitz met Film-Stor was, besloten we, jetzt wüllt we int Kino-Eden, over kein cheld inne Tashen. We moket we dat?

Oeseg fälle doch wer wat in. Not macht erfinderisch.

Ein Mäken harre von seine Mamm, dä was arbeitslos dä Stempelkorten me. Jetzt wollen we verseuken met düsse Korten int Kino rin de kohm. Dat Bild up dä Korten, passe doch tau kenn von oeseg, we wolln et ovr verseuken. Einer ching met dä Korten dor dä Kasse, kamm wer rut, dä nächste ok rin ohne Kontrolle. Drei Mäkens met enne Korten for 50 Pennige twa Stunden Kino ohne schlechtet Gewissen.

Sau harren we trotz allen Pleiten veele de lachen. Ok hüte noch.

Helga Rindermann

März 2003